ရည်ရွယ်ချက်

တိုင်းပြည်၏ အနာဂတ်ကို ပိုင်ဆိုင်ထားကြသည့် လူငယ်မောင်မယ်များ ယဉ်ကျေးလိမ္မာပြီး စာရိတ္တမဏ္ဍိုင်မြင့်မားကာ အမျိုးဘာသာသာသနာကို ချစ်မြတ်နိုးတတ်သည့် လူတော်လူကောင်းများပေါ်ထွန်းလာစေရန်။

Soon:

၁။ လယ်ဝေးမြို့နယ် သပြေပင် ရန်ကင်းတောရ ပရိယတ် ပဋိပတ်ဌာနတွင် တနင်္ဂနွေအပါတ်စဉ် ဖွင့်လှစ်ပို့ချလျက်ရှိသော အဘိဓမ္မာအမြင်ဖွင့် သင်တန်းကို ရန်အောင်မြင်တောရ ကျောင်း (မြို့တော်ဝန်ကျောင်း) သံတမန်ဇုန်နှင့် ရတနာမဉ္စ (R)3လမ်း အကြား၊ ဒက္ခိဏသီရိမြို့နယ် နေပြည်တော်သို့ ပြောင်းရွှေ့ ဖွင့်လှစ်ထားပါသည်။

www.facebook.com/dhammaschool.ykt တွင်လည်း ၀င်ရောက်လေ့လာကြည့်ရှုနိုင်ပါသည်။
အသေးစိတ် သိရှိလိုပါက နေပြည်တော်ယဉ်ကျေးလိမ္မာစင်တာ ရုံးခန်းသို့ အောက်ဖော်ပြပါ ဖုန်းဖြင့် ဆက်သွယ် စုံစမ်းမေးမြန်းနိုင်ပါသည်။

ဖုန်း—09 830 4446 — 09 797 303021 — 09 430 757 04

Email: ven.khemananda.brahmana@gmail.com

ကျန်းမာစဉ်ကပင် ဝိပဿနာတရားကို လေ့ကျင့် အားထုတ်ထားသင့်ပါသည်

COMA (16)

သတိပဋ္ဌာန် တရားတော်မြတ်ကို စနစ်တကျ လေ့ကျင့်ပွားများ အားထုတ်ထားသည့် ယောဂီဖြစ်စေ၊ အားမထုတ် ထားသူဖြစ်စေ ဘဝါ ဘဝ၏ အကုသိုလ်ကံ အကျိုးပေးကြောင့် ရောဂါတစ်စုံတစ်ရာရ၍ နာတာရှည် လူမမာဘဝဖြင့် မေ့မျောကာ အိပ်ရာထက် လဲလျောင်းနေစေကာမူ ထိုလူမမာသည် ကြားနိုင်သည်၊ တွေးတော ကြံစည်နိုင်ပါသည်။

သို့ဆိုလျှင် ထိုထိုအတွေးပေါ် မူတည်ပြီး ခံစားမှုများလည်း ရှိနိုင်ပါသည်။ခံစားမှုရှိနိုင်မည်ဆိုလျှင် နှစ်သက်သဘောကျသည့် ကောင်းသည့် ခံစားမှု (သောမနဿ) ဖြစ်စေ၊ မနှစ်သက် သဘောမကျသည့် မကောင်းသည့်ခံစားမှု (ဒေါမနဿ)ဖြစ်စေ၊ အလယ်အလတ်ခံစားမှု (ဥပေက္ခာ)ဖြစ်စေ ဖြစ်ခွင့် ရှိနေပါသည်။

ကာယကံရှင်၏ အလေ့အကျင့်ပေါ် မူတည်ပေသည်။ နေကောင်း ကျန်းမာနေသည့် ကာလကပင် ဝိပဿနာဉာဏ်ဖြစ်ရန်လည်း လေ့ကျင့်ခွင့် ရှိပါသည်။ လောဘ ဒေါသ စသည့် စိတ်ကို ညစ်ညူး ပူလောင်စေသည့် ကိလေသာဖြစ်ရန်လည်း လေ့ကျင့်ခွင့် ရှိပါသည်။

သို့သော် ပုထုဇဉ်အဖို့ လောဘ ဒေါသဖြစ်ရန် အထူး လေ့ကျင့်နေရသည် မဟုတ်ပါ။ ဉာဏ်ဖြစ်ရေး အတွက်သာ ကြောင့်ကြစိုက်ကာ လေ့ကျင့်ပေးရပါသည်။ ကြုံတွေ့လာသည့် အာရုံများပေါ်၌ နားလည် သဘောပေါက်ရန်နှင့် လက်ခံနိုင်ရန် များစွာ လေ့ကျင့်ရပါမည်။

‘‘ဤအဖြစ်ဆိုးမျိုး ငါ့မှာလည်း ဖြစ်တတ်တယ်’’ ‘‘ငါ့မှာလည်း ဖြစ်နိုင်တယ်’’ ဆိုသည်ကို ကြိမ်ဖန်များစွာ နှလုံးသွင်း ဆင်ခြင်သင့်ပါသည်။

လေ့ကျင့်မထားသည့်သူအဖို့ ကြုံ ကြိုက်လာသော လောကဓံဆိုးကို မည်သို့ တုန့်ပြန်မည်နည်း။ သတိမေ့မျောနေသူ ဖြစ်စေ၊ သတိရှိနေသူဖြစ်စေ ‘‘ငါ့မှာမှ ဖြစ်ရလေခြင်း’’ ‘‘ငါ့မှာမှ ဖြစ်ရပလေ’’ ဟု ဝမ်းနည်းပူဆွေး ငိြုွေကးကာ မျက်ရည် စိုစွတ်နေသည့် မျက်လုံးဖြင့် ရင်ဆိုင်ရပေတော့မည်။

ဖန်ခွက်တစ်လုံး ပိုင်ဆိုင်ထားသူအဖို့ ဖန်ခွက်မကွဲခင်ကပင် ဤဖန်ခွက်၌ ကွဲတတ်သည့်သတ္တိ အပြည့်ရှိသည်ဟု တင်ကြိုကာ လက်ခံထားရပါမည်။ ယနေ့ မကွဲသေးခြင်းမှာ ကွဲရန် အကြောင်းမပြည့်စုံသေးသောကြောင့် ဖြစ်သည်ကိုလည်း ထဲထဲဝင်ဝင် နားလည် သဘောကျ လက်ခံထားရပါမည်။

ထိုနည်းအတူ ဤခြေ၊ ဤလက်၊ ဤမျက်လုံး၊ ဤခန္ဓာကိုယ်ကောင်ကြီးသည် နာတတ်သည်၊ ကျိုးပဲ့တတ်သည်၊ အနာရောဂါမျိုးစုံ ဖြစ်တတ်သည်၊ လေဖြတ်တတ်သည်၊ မေ့မျော၍လည်းသွားတတ်သည်။ တစ်နေ့ အသည်းအသန် လူမမာဘဝကိုလည်း ရောက်နိုင်သည်ကို ကြိုတင် လက်ခံထားရပါမည်။ ယနေ့ မနာ မကျိုး မပဲ့ မမေ့မျောဘဲ ကောင်းနေသည်မှာ ထိုထို အခြေအနေဆိုးသို့ ရောက်ရန် အကြောင်းမပြည့်စုံသေးသောကြောင့် ဖြစ်သည်ကို ထဲထဲဝင်ဝင် သဘောကျ လက်ခံထားနိုင်ရပါမည်။

တစ်နည်းဆိုရလျှင် ယနေ့ မိမိခန္ဓာကိုယ် အပါအဝင် အခြေအနေအရပ်ရပ် တည်တံ့ကောင်းမွန်လျက် ရှိနေသည်မှာ ပျက်ရန်အကြောင်း မပြည့်မစုံသေးသောကြောင့်ဖြစ်ပါသည်။ တစ်နည်းဆိုရသော် ကောင်းမွန်နေရန်အကြောင်း ပြည့်စုံနေသေးသောကြောင့် ဖြစ်ပါသည်။

ထပ်မံ၍ တစ်နည်းပြရသော် ယနေ့ မိမိတို့ အသက်ရှင်နေခြင်းမှာ သေဆုံးရန် အကြောင်း မပြည့်စုံသေးသောကြောင့် ဖြစ်ပါသည်။ သေဆုံးရတော့မည် ဆိုလျှင်လည်း အသက်ရှင်သန်နေရန် အကြောင်း ကုန်ဆုံးသွားပြီဖြစ်၍ သေဆုံးခြင်း ဖြစ်ပါသည်။

ကျန်းမာစဉ်ကပင် ဤကဲ့သို့ ထဲထဲဝင်ဝင် လေ့လာကာ နှစ်သက် သဘောကျ လက်ခံထားနိုင်သူအဖို့ ဘဝ၏ အဆိုးဆုံးသော အခြေအနေကို ရင်ဆိုင်ရာတွင် မေ့မျောနေသည်ဖြစ်စေ၊ သတိရှိလျက်ပင်ဖြစ်စေ ရင်ဆိုင်နိုင်ရန် စိတ်ဓာတ်ခွန်အား အပြည့် ရှိနိုင်မည် ဖြစ်ပါသည်။

အရှင်ခေမာနန္ဒ(ရန်ကင်းတောရ)သပြေပင်၏ ဘဝဆည်းဆာ လှစေချင်ပါသည်စာအုပ်မှ ကောက်နှုတ်ဖော်ပြထားပါသည်။

No Comments Yet.

Leave a comment