ရည်ရွယ်ချက်

တိုင်းပြည်၏ အနာဂတ်ကို ပိုင်ဆိုင်ထားကြသည့် လူငယ်မောင်မယ်များ ယဉ်ကျေးလိမ္မာပြီး စာရိတ္တမဏ္ဍိုင်မြင့်မားကာ အမျိုးဘာသာသာသနာကို ချစ်မြတ်နိုးတတ်သည့် လူတော်လူကောင်းများပေါ်ထွန်းလာစေရန်။

Soon:

၁။ လယ်ဝေးမြို့နယ် သပြေပင် ရန်ကင်းတောရ ပရိယတ် ပဋိပတ်ဌာနတွင် တနင်္ဂနွေအပါတ်စဉ် ဖွင့်လှစ်ပို့ချလျက်ရှိသော အဘိဓမ္မာအမြင်ဖွင့် သင်တန်းကို ရန်အောင်မြင်တောရ ကျောင်း (မြို့တော်ဝန်ကျောင်း) သံတမန်ဇုန်နှင့် ရတနာမဉ္စ (R)3လမ်း အကြား၊ ဒက္ခိဏသီရိမြို့နယ် နေပြည်တော်သို့ ပြောင်းရွှေ့ ဖွင့်လှစ်ထားပါသည်။

၂။ တတိယကြိမ်မြောက် ကိုရင်၊ သီလရှင်ဝတ်ဖြင့် တက်ရောက်ရမည့် ယဉ်ကျေးလိမ္မာ သင်တန်းကိုသင်္ကြန်းအပြီး ဧပြီလ (၂၂)ရက်နေ့မှ မေလ(၄)ရက်နေ့ထိ နေပြည်တော်ယဉ်ကျေး လိမ္မာစင်တာတွင် ဖွင့်လှစ်မည်ဖြစ်ပါသည်။
သင်ကြားမှုထိရောက်စေရန်အတွက် လူဦးရေကန့်သတ်ထားပါသဖြင့်
အောက်ပါအရည်အချင်းပြည့်မှီသူများသည်(၁၊၃၊၂၀၁၉)ရက်နေ့မှစတင်စာရင်းပေးသွင်းနိုင်ကြောင်းသိရှိရပါသည်။
၁၊အသက်--(၁၁)နှစ်မှ (၁၃)နှစ်အတွင်းရှိရမည်။
၂၊ပညာအရည်အချင်း--( ၅)တန်း( ၆)တန်း( ၇)တန်းဖြေဆိုအောင်မြင်ပြီးသူများ။
၃၊ကျန်းမာရေးကောင်းမွန်သူဖြစ်ရမည်။
၎၊မိဘအုပ်ထိန်းသူကိုယ်တိုင်လာရောက်အပ်နှံရမည်။
၅ ၊လက်ရှိဓမ္မကျောင်းတော်တက်ရောက်နေသည့် လူငယ်မောင်မယ်များကိုဦးစားပေးပါမည်။

၃။ နွေရာသီယောဂီဟောင်းများတရားစခန်း (Summer Retrete) ကို
မေလ(၅)ရက်နေ့မှ (၁၂)ရက်နေ့ထိ ရန်ကင်းတောရ ပရိယတ် ပဋိပတ်ဌာနတွင် ဖွင့်လှစ်သွားမည်ဖြစ်ပါသည်။ အချိန်ပြည့်ယောဂီ (၁၅)ဦး၊ အချိန်ပိုင်းယောဂီ (၁၅)ဦး လက်ခံမည်ဖြစ်ပါသဖြင့် ကြိုတင်စာရင်းပေးသွင်းနိုင်ပါသည်။

www.facebook.com/dhammaschool.ykt တွင်လည်း ၀င်ရောက်လေ့လာကြည့်ရှုနိုင်ပါသည်။
အသေးစိတ် သိရှိလိုပါက နေပြည်တော်ယဉ်ကျေးလိမ္မာစင်တာ ရုံးခန်းသို့ အောက်ဖော်ပြပါ ဖုန်းဖြင့် ဆက်သွယ် စုံစမ်းမေးမြန်းနိုင်ပါသည်။

ဖုန်း—09 830 4446 — 09 797 303021 — 09 430 757 04

Email: ven.khemananda.brahmana@gmail.com

မောင်ကောင်း၏ ရင်တွင်းစကား

မောင်ကောင်းလွင်ဦး၏ ရင်တွင်းစကားသံ

www.facebook.com/dhammaschool.ykt တွင်လည်း ၀င်ရောက်လေ့လာ ကြည့်ရှုနိုင်ပါသည်။

 

ဆရာတော်အမြဲ သြ၀ါဒပေးတဲ့ “ကိုယ်လုပ်တဲ့လုပ်ရပ်ဟာ အကောင်းဆုံး စိတ်ထားနဲ့ အကောင်းဆုံး အရည်အချင်းကို ဖော်ပြနေတာဖြစ်ရမယ်’’ ဆိုတာကို တပည့်တော် လိုက်နာကျင့်သုံးနေပါတယ်ဘုရား။ အလုပ် တစ်ခုကို လုပ်ပြီဆိုရင် စေတနာပါပါနဲ့ အကောင်းဆုံးလုပ်တတ်လာပါတယ်ဘုရား။

နောက်ပြီး ကျေးဇူးတရားကို ဘယ်တော့မှ မမေ့ရဘူးဆိုတဲ့သြ၀ါဒအတိုင်း ကျေးဇူးတရားကို တပည့်တော်တို့ မေ့ထားလိုက်မယ်ဆိုတာနဲ့ ကိုယ့်ကျေးဇူးရှင်အပေါ် ထင်မြင်၊ ပြောဆိုပြုမှု ပုံစံတွေက မထင်မဲ့မြင်ဖြစ်ပြီး ၊ ကျေးဇူးကန်းရာ ရောက်သွားတတ်ပါတယ်ဘုရား။ အဲ့ဒီအချိန်မှာ ကိုယ်ကသာ မသိလိုက် ရပေမယ့် ကိုယ့်ရဲ့ကျေးဇူးရှင်ဖက်ကအနေဖြင့် ဒီလူဟာ အတော်လေး သနားစရာကောင်းပါလားလို့ ထင်မိမှာ ပါပဲဘုရား။ ကျေးဇူးကိုမဆပ်ရင်နေပလေ့စေ သူ့ကျေးဇူးကိုတော့ မမေ့ပါနဲ့။ သူ့ကျေးဇူး မကန်းမိပါစေနဲ့လို့ တပည့်တော်ခံယူ ကျင့်သုံးပါတယ်ဘုရား။ တပည့်တော် အခု ကျေးဇူးတရားကို အမြဲတမ်း အောက်မေ့ပြီး သူတစ်ပါးတွေကိုလည်း ဒီလူက ငါ့အပေါ် ဘယ်လို ကျေးဇူးရှိတာ၊ ငါ့ရဲ့ကျေးဇူးရှင်ဆိုပြီး အားရပါးရ ဂုဏ်ယူစွာ ပြောပြနိုင်ပါတယ်ဘုရား။

ဆရာတော် အမိန့်ရှိခဲ့ဖူးတဲ့ “ဆိုဆုံးမလွယ်ကူရမယ်’’  ဆိုတဲ့ သြ၀ါဒကိုလည်း တပည့်တော် လိုက်နာ နေပါတယ်ဘုရား။  အခုလက်ရှိဘ၀မှာ ဒီလို ဆုံးမ တည့်မတ်ပေးမယ့် ဆရာတော်နှင့် သာသနာမှာ တွေဆုံခွင့်၊ ဖူးမြှော်ခွင့်ရလို့ တပည့်တော် အလွန်ဝမ်းမြောက်မိပါတယ်ဘုရား။ လူဖြစ်ရကျိုးနပ်အောင် နေတတ်လာ ပါတယ်ဘုရား။ ကျောင်းမှာဆို သူငယ်ချင်းတွေက ဘီယာသွားသောက်ရအောင်ဆိုပြီး တပည့်တော်ကို ခေါ်ပါတယ်ဘုရား။ တပည့်တော်က ငြင်းခဲ့ပါတယ်ဘုရား။ သူတို့က တပည့်တော်ကို ငါ့လို သမီးရည်းစား ထားပါလားဆိုပြီး လာလာကြွားကြပါတယ်ဘုရား။ တပည့်တော် သူတို့ကို သိပ်အားမကျပါဘူးဘုရား။ သူတို့ကတော့ အဟုတ်ထင်ပြီး လာလာပြော၊ ဘေးကနေ ဖုန်းတွေပြောနေတာ တပည့်တော်လည်း ဘာမှတော့ ကောင်းတယ် ဆိုးတယ် ပြန်လည်မပြောဘဲ အသာနေလိုက်ပါတယ်ဘုရား။

 

မောင်ကောင်းလွင်ဦး (ခ) မောင်ကောင်း

ကပ္ပိယရင်တွင်းစကားသံ

Dhamma Training Center

Comments are closed.